Mātātoa Māori

Māori Events

arrow_downward

Mātātoa Māori

Hangarau Matihiko

Takunetanga hangarau matihiko ki te reo Māori

Ā te tau 2018 ka whakamanahia te whakaurunga o te whenu Hangarau Matihiko ki te wāhanga ako Hangarau. Ka tūhono atu te ako i te Hangarau Matihiko ki ngā wāhanga ako katoa o Te Marautanga o Aotearoa.

E whakahaerehia ana e te kāhui Te Arareo Māori o CORE Education, Tātai Aho Rau, i tētahi terenga takunetanga, kotahi rā te roa e whā katoa, puta noa i Aotearoa, e tūhura ana i ngā kaupapa me ngā ariā matua o te taiao ako hangarau matihiko e tino wawe nei te whanake. Mā mātou koutou e ārahi i tēnei ara hou e takatu ai koutou, e mārama ake ai koutou ki tēnei mea te hangarau matihiko.

Ngā kaupapa matua

  • Te tuhiwaehere, te mātai karetao me ngā akomanga auaha

  • Te whakaaro ā-rorohiko

  • Te matatauranga hangarau matihiko i te marau

  • Whakaaro auaha

  • Ako ā-kēmu/whakakēmutanga

  • Te tāurungi me te haumaru ā-purangi

Mā wai ēnei whakaakoranga?

  • Kaiwhakaako arareo Māori

  • Kaimātauranga e hiahia ana ki te whakawhanake i tōna mōhio me tōna mārama ki ngā pūkenga hou e hāngai ana ki ngā hangarau matihiko, te whakaaro ā-rorohiko, me te whakaoti rapanga ki te ako 

Kua whakaritea tēnei takunetanga mā te katoa ahakoa te taumata mōhio o te tangata ki ngā hangarau matihiko.

Ngā putanga ako

  • Whakapiki i te taumata māia, me te taumata matatau a te kaiako ki te whakatakoto wheako ako ā-hangarau matihiko mā roto mai i te tirohanga Māori me te huawaere ki te reo Māori.

  • Whakarīrā i te whanaungatanga i waenganui i te kura, te kaiako me te whānau.

  • Whakawhanake i te māramatanga o te tangata ki te take, ki te ara whakataki hoki i te whakaaro ā-rorohiko, te tuhiwaehere me te mātai karetao ki ngā hōtaka ako

  • Taunaki i ngā ākonga ki te whakaoti rapanga, te waihanga me te whakaauaha

  • Te whakamahi kēmu, tuhiwaehere me ngā rautaki whakaaroaro ki te whakaumu i te ako

Ngā taipitopito takunetanga

tbc